THE UNIVERSAL HOUSE OF JUSTICE

Ridván 2009

Alang sa mga Bahá’í sa Kalibutan

Minahal uyamot nga mga Higala,

Tulo ka tuig pa lang milabay kami nagpahiluna atubangan sa Bahá’ing kalibutan sa hagit nga pahimuslan paggamit ang tigbayon aron mapatuman ang laraw nga mitim-aw sa tumang katin-aw diha sa katapusan sa miaging pangkalibutang Plano.  Ang tubag, sama sa among gilauman, dihadiha dayon.  Sa tumang kadasig ug kabisog ang kahigalaan sa tanang dapit nisugod pagsunod sa tumong sa pagtukod ug mga masubsob nga mga programa sa paglambo (intensive program of growth/IPG) sa dili momenos sa 1,500 ka mga clusters (hugpong) sa tibuuk kalibutan, ug ang gidaghanon sa mga susamang programa sulod  sa hamubong panahon misugod pagsaka.  Apan walay ni usa nga nakahanduraw kaniadto kon unsa ka tulokibon ang Lord of Hosts (Ginoo sa mga Tig-abiabi), sa Iyang dili matugkad nga kaalam, naglaraw sa pag-usab sa dagway sa Iyang komunidad sa hilabihan ka hamubong panahon.  Unsa kamatuyoanon ug kamasaligon ang komunidad nga nagsaulog sa mga kalampusang nakab-ut sa tunga-tungang bahin sa karong Plano sa kap-atan ug usa (41) ka mga regional conferences tadlas sa kalibutan!  Unsa ka talagsaong kalainan sa iyang dugtong pagkahiusa ug kusog nga iyang gihatag ngadto sa  nagsalimuang ug nagkagubot nga kalibutan nga nabitik sa likuslikos nga katalagman!  Kini, sa tinuuray, mao ang komunidad sa mga mahimayaon nga gihisgutan sa Guardian.  Mao kini ang komunidad nga nahibalo sa halapad nga mga kalagmitan diin siya gitugahan ug nasayud sa tahas (o papel) nga gitagana sa pagdala aron tukoron pag-usab ang usa ka nadugmok nga kalibutan.  Mao kini ang komunidad nga naga-uswag, ubus sa mabangis nga pagpugong sa usa ka bahin sa kalibutan, apan bisan pa niini, nagabangon kini nga dili kapugngan ug wala mahadlok isip usa ka bug-os nga nahiusa ug nagalig-on sa iyang katakos aron pagkab-ut sa tumong ni Baha’u’llah sa pagluwas sa katawhan gikan sa talikala  sa makalilisang uyamot nga mga pagdaogdaog. Ug dul-an sa kawalohan ka libo (80,000) ka mga nangapil nga nanambong sa mga komperensya among nakita ang paggimaw sa usa ka makasaysayanong talan-awon sa tagsatagsa nga tumotoo nga hilabihan kaayo ka masaligon sa kamasangputon sa mga pamaagi ug mga kahimanan sa Plano ug sa katalagsaong kahanas sa paggamit niini.  Ang tagsatagsa sa matag kalag niining gamhanong dagat nagbarog isip kamatuuran sa makapausab nga gahum sa Tinoohan.  Ang matag usa maoy kamatuuran sa panaad ni Baha’u’llah sa pag-abag sa tanang mobangon nga bulag sa kaugalingon ug matinuuron sa pag-alagad Kaniya.  Ang matag usa naghalad ug usa ka siplat nianang kaliwatan sa katawhan, naghalad sa kaugalingon ug maisug, putli ug balaan, gitagana sa pagpalambo sa mga kaliwatan ubus sa tukma nga pagkadani sa Pagpadayag ni Baha’u’llah.  Diha kanila atong makita ang mga unang timaan sa katumanan sa atong paglaum nga  napadayag na diha sa sinugdanan sa Plano nga ang mga sumbanang gahum sa Tinoohan mapaabut ngadto sa mga gatusan ka libo pinaagi sa mga institute nga pamaagi (institute process).  Dunay mga ilhanan nga, sa hinapus sa panahon sa Ridvan, ang numero sa mga intensive program of growths (IPG – makapakusog nga programa sa pagtubo) palibut sa kalibutan makalabang na unya sa usa ka libo ang iyang gidaghanon.  Unsa pa may angay natong himoon sa pagsugod niining pinakasadya nga Kasaulogan kon dili iyukbo ang atong mga ulo sa dakong pagpaubos atubangan sa Diyos, ug motanyag Kaniya ug pasalamat tungod sa Iyang walay kinutubang pagkamahatagon ngadto sa komunidad sa Pinakahalangdong Ngalan (Greatest Name).

Universal House of Justice